Сурхондарё вилояти секторлар раҳбарлари туманларда бўлиб, “Ўзбекистон Республикасининг Конституциясига ўзгартиш ва қўшимчалар киритиш тўғрисида” ги Ўзбекистон Республикасининг Конституциявий қонун лойиҳаси умумхалқ муҳокамасига бағишланган очиқ мулоқотлар ўтказмоқда.

Бугун, 29 июнь куни туман маданият марказида Ўзбекистон Республикаси Олий Мажлиси Қонунчилик палатаси депутати Ҳ.Хўжамқулов ҳамда Халқ депутатлари Сурхондарё вилояти Кенгаши котибияти мудири С.Абдурайимовлар иштирокида Ўзбекистон Республикаси Конституциясига ўзгартириш ва қўшимчалар киритиш бўйича тарғибот тадбири ўтказилди. Унда тумандаги депутатлар ҳамда ижодий-маданий масалалар бўйича тарғиботчилар ва бошқа алоқадор ташкилотлар вакиллари қатнашишди.

30 июнь – Ёшлар куни муносабати билан жойларда сектор раҳбарлари ва ёшлар учрашувлари ташкил этилмоқда. Ана шундай учрашувлардан бири туманимиздаги 3-сектор раҳбари, туман ИИБ бошлиғи Ў.Шукуров томонидан ташкил этилди. Унда 3-сектор ҳудудида истиқомат қиладиган йигит-қизлар қатнашишди.

Бугун, 29 июнь куни туман ҳокими З.Давлатов ёшлар билан учрашиб, уларнинг муаммоларига қулоқ тутди. Туман ҳокимлиги мажлислар залига йиғилган йигит-қизлардан асосан ишга жойлашиш, кредит олиш каби масалаларда мурожаатлар келиб тушди.

Куни кеча туманимиздаги “Қорабоғ” маҳалласида 4-сектор масъуллари ҳамда Ёшлар ишлари агентлиги туман бўлими билан ҳамкорликда кўчалар кесимида спортнинг волейбол тури бўйича мусобақа ташкил этилди.