Куни кеча Шеробод тумани ҳокимлигида Халқ депутатлари Сурхондарё вилояти Кенгаши котибияти мудири С.Абдурайимов иштирокида “Сессия қарорларини қабул қилиш ва ижро учун юбориш ҳамда ижросини назорат қилиш, Доимий комиссиялар ва партия депутатлик гуруҳлари фаолиятини самарали ташкил этиш ҳамда “Саховат ва кўмак” жамғармаси маблағларидан фойдаланиш самарадорлиги” мавзусида ўқув-семинари бўлиб ўтди.

Бугун, 30-июл – Халқаро дўстлар куни. Шу муносабат билан туманимиздаги “Бешбулоқ-Сурхон-Шеробод” болалар оромгоҳида Шеробод туман ҳокимлиги, Республика маънавият ва маърифат маркази вилоят бўлими, туман бўлинмаси “Янги Ўзбекистон ёшлари, бирлашайлик!” шиори остида маънавий-маърифий тадбир ташкил этилди. Унда Республика маънавият ва маърифат маркази вилоят бўлими раҳбари Н.Раҳматуллаева, қатор масъуллар, шунингдек тумандаги бир гуруҳ ижодкорлар иштирок этишди.

Бугун, Шеробод тумани ҳокимлиги мажлислар залида Оила ва хотин-қизлар Давлат қўмитаси бош мутахассиси Б.Саидқосимов, “Оила ва хотин-қизлар” илмий-тадқиқот институти кичик илмий ходими З.Илҳамова ҳамда аёлларни реабилитация қилиш ва мослаштириш маркази ҳудудий бўлим директори М.Хафизовалар иштирокида тумандаги маҳалла хотин-қизлар фаоллари ҳамда тумандаги қатор ташкилот вакиллари билан учрашув ташкил этилди.

Ушбу ўқув соати Президент ҳузуридаги Давлат хизматини ривожлантириш агентлиги томонидан ташкил этилган бўлиб, унда ҳокимлик аппарат ходимлари шунингдек бўлим ва бошқа тегишли масъуллар қатнашдилар.

Сурхондарёдан Ҳаж-2022 сафарига бориб қайтаётган 615 нафар фуқаролардан сўнгги 3-рейсда 110 нафари, яъни 11-гуруҳ: Музработ, Бандихон, Денов туманлари, 12-гуруҳ: Жарқўрғон, Денов туманлари ҳамда Термиз шаҳрида истиқомат қилувчи фуқаролар 28 июль куни маҳаллий вақт билан кеч соат 23:35да Жидда шаҳридан Қарши шаҳрига етиб келишган ва бугун эрта тонгда улар туманимиздаги Имом Абу Исо Муҳаммад ат-Термизий мажмуасида муносиб кутиб олинди. Хожиларни қутлаш учун йиғилган яқинлари уларни ўзгача қувонч ва ҳис-ҳаяжон билан қарши олишди.