Коррупцияга қарши курашиш доирасида Шеробод тумани ҳокимлигида навбатдаги семинар ўтказилди.

Семинарда туман Кенгаши раиси Усмон Алимов, туман Кенгаши депутатлари, туман прокурурори Боҳодир Юнусов, туман ИИБ раҳбари Нурунбек Нарзуллаев , тумандаги ташкилот ва корхона раҳбарлари, туман ҳокимлиги аппарат ходимлари иштирок этишди.

Сурхондарё вилояти Коррупсияга қарши курашиш ҳудудий Кенгаши котиби, вилоят Кенгаши депутати С.Б.Абдураимов Шеробод тумани Коррупсияга қарши курашиш комиссия аъзолари билан туман Тиббиёт бирлашмаси, туман тижорат банклари “Агробанк”, “Микрокредитбанк” Халқ банкларида назорат тадбирлари ўтказилди.

Шеробод тумани ҳокимлиги Ахборот хизмати, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг туман бўлими билан ҳамкорликда ўтказилган матбуот анжуманида соҳа вакиллари, туман Кенгаши депутатлари, Котибият ходимлари, ижтимоий тармоқ фаоллари ва бошқалар иштирок этишди.

Жамиятда шундай иллатлар борки, у маълум бир соҳага эмас, балки бутун жамият тараққиётига тўғаноқ бўлади. Давлатни ич-ичидан емирадиган ана шундай иллат – коррупция ва порахўрликдир. Айнан шу иллат сабабли кўплаб давлатларнинг инқирозга юз тутгани ҳам тарихдан маълум.

Коррупция бир давлат эмас, балки бутун бир минтақа ёки жаҳон тараққиётига таҳдид солувчи иллатдир. Чунки у демократия ва ҳуқуқ устуворлигига путур етказади, инсон ҳуқуқларининг бузилишига олиб келади, иқтисодиётни издан чиқаради, уюшган жиноятчиликнинг кенг ёйилишига шароит яратиб беради.

Коррупция – нафақат инсон ҳуқуқлари бузилишига, балки хавфсизликка таҳдид солувчи уюшган жиноятчиликнинг ривожланишига ҳам шароит яратувчи хавфли жиноят саналганлиги учун ҳам уни ҳозирда жамиятимиз олдида турган энг катта таҳдид сифатида баҳолаш мумкин.

Куни кеча туманимиздаги 41-сон манзил колониясида бюджетдан ташқари пенсия жамғармаси Шеробод тумани бўлими ходимлари томонидан коррупциянинг олдини олиш мақсадида навбатдаги тарғибот тадбири ўтказилди. Унда йиғилганлар коррупция - жамият тараққиётига болта урувчи иллат эканини алоҳида таъкидлашди ва унга қарши курашиш лозимлигини эътироф этишди.