Бугун туман ҳокимлиги мажлислар залида ҳоким ёрдамчилари фаолиятини мувофиқлаштириш бўйича туманга республикадан бириктирилган вакил А.Қодиров, Маҳаллабай ишлаш ва тадбиркорликни ривожлантириш агентлиги Сурхондарё вилояти ҳудудий бошқармаси бошлиғи Ш.Жўраев, туман ҳокимининг биринчи ўринбосари У.Панжиевлар иштирокида ҳоким ёрдамчиларига хизмат гувоҳномалари топширилди.

Президентимиз жорий йилнинг 16-март куни Давлат солиқ қўмитасига ташрифи чоғида соҳани такомиллаштириш, хусусан солиқ тизимини рақамлаштириш, солиқ тўловчиларга хизмат кўрсатиш сифати ва кўламини ошириш, шунингдек, “Солиқчи – кўмакчи” тамойили асосида тадбиркорлар билан бевосита мулоқотга киришиб, уларнинг муаммоларини ўрганиш ва солиқ қонунчилигидаги ўзгаришларни тушунтириш юзасидан бир қатор топшириқлар берганди.

Бугун, 3 август куни Шеробод тумани ҳокими З.Давлатов туманнинг 1-сектори ҳудудида жойлашган “Ғамбур” ҳамда “Қўрғон” маҳаллалари ёшлари билан учрашди. Ҳоким дастлаб туман йигит-қизларини юртимизда олиб борилаётган кенг ислоҳотлардан хабардор этди. Шундан сўнг ёшларнинг муаммо ва таклифларига қулоқ тутилди. Учрашувларда асосан, ёшлардан ишга жойлашиш, кредит олиш ва моддий ёрдам билан боғлиқ масалалар юзасидан мурожаатлар келиб тушди ва аксарият мурожаатлар манзилнинг ўзида ечим топган бўлса, маълум вақт ва маблағ талаб этадиганлари юзасидан масъулларга тегишли топшириқлар юклатилди.

Бугун, 3 август куни 3-сектор ҳудуди “Каттабоғ” маҳалласида туман Фавқулодда вазиятлар бўлими ва "Шерободтумангаз" газ таъминоти бўлими ҳамда бошқа ҳамкор ташкилотлар билан биргаликда ёнғин хавфсизлиги бўйича тадбир ташкил этилиб, аҳоли хонадонларини ис газидан заҳарланишни олдини олиш бўйича тарғибот ва профилактик текширувлар ўтказилди.

Бугун, 3-август куни Республика Маънавият ва маърифат маркази Шеробод туман бўлинмаси ва туман ҳокимлигининг диний ишлар бўйича масъуллари билан ҳамкорликда “Ёшлик” маҳалласида жойлашган Шеробод туман Санитария – эпидемиологик осойишталик ва жамоат саломатлик хизматининг раҳбар ва ходимлари иштирокида “Янги Ўзбекистоннинг 2022-2026 йилларга мўлжалланган тараққиёт стратегияси”нинг мазмун-моҳияти юзасидан тарғибот ишлари олиб борилди.