Ўзбекистон халқининг Иккинчи жаҳон уруши даврида кўрсатган жасорати, букилмас иродаси ва матонати, инсонпарварлик фазилатлари авлодлар учун муқаддас хотира ва одамийликнинг юксак намунаси бўлиб қолмоқда. Бугунги тинч ва осойишта, эркин ва фаровон ҳаёт учун азиз жонини фидо қилган аждодларимизнинг ёрқин хотирасини ёд этиб, уларнинг эзгу ишларини муносиб давом эттириш — тинчликни буюк неъмат деб биладиган бағрикенг ва олийжаноб халқимизга хос азалий қадриятдир.

Жорий йилнинг 27 апрель куни вилоят раҳбари У.Қосимов томонидан ўтказилган йиғилишда берилган топшириқлар ижросини таъминлаш, Шеробод туманини жиноятчиликдан ҳоли ҳудудга айлантириш мақсадида бугун, 7 май куни туман ҳокими З.Халилов ҳамда бошқа масъуллар тумандаги мунтазам дарс қолдирувчи, тарбияси оғир вояга етмаган ўқувчиларнинг хонадонларида бўлиб, уларнинг яшаш шароити ва мавжуд муаммоларини ўрганишди.

Бугун, 6 май куни туман ҳокимлиги мажлислар залида туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари У.Панжиев иштирокида йиғилиш бўлиб ўтди. Унда туман ҳокимининг тармоқлар бўйича ўринбосарлари ва аппарат ходимлари, шунингдек тегишли масъуллар қатнашдилар. Йиғилишда Ўзбекистон Республикаси Қонунлари, Президент Қарор, Фармон ва Фармойишларининг ўз вақтида ва сифатли қилиб ижросини таъминлаш ҳамда жисмоний ва юридик шахсларнинг мурожаатларини ижобий ҳал этилиши ҳолати ва бошқа масалалар атрофлича муҳокама қилинди.

Сурхондарё вилояти ҳокимининг 2023 йил 22 апрелда ўтказган йиғилишида Шеробод туманини жиноятчиликдан ҳоли ҳудудга айлантириш борасида берган топшириқлари юзасидан бугун,
5 май куни тумандаги 56-мактабда сектор раҳбарлари, вилоят Мактабгача ва мактаб таълими бошқармаси раҳбар ходимлари, тумандаги барча мактабларда фаолият олиб бораётган чақирувга қадар бошланғич тайёргарлик фани раҳбарлари, мактабнинг ички рўйхатда турган ҳамда мунтазам дарс қолдирувчи ўқувчилари иштирокида амалий семинар ўтказилди.

Бугун, 5 май куни Шеробод туманидаги 2-сон касб-ҳунар мактабида “Касб ва ёшлар” фестивали доирасида “Очиқ эшиклар куни” тадбири ўтказилди.