Бугун, 23 декабрь куни туманнинг Гулистон маҳалласида Ўзбекистон Республикаси Президентининг 2021 йил қўшимча инвестиция дастури асосида лойиҳа қиймати 2 млрд 600 млн сўм бўлган 90 ўринли 27-Давлат мактабгача таълим ташкилоти янгидан қурилиб фойдаланишга топширилди. Ушбу маҳаллада 426 нафар 3-6 ёшгача бўлган болалар мавжуд бўлса, шуларнинг 90 нафари мазкур давлат мактабгача таълим ташкилотига қамраб олиниши кўзда тутилган. Очилиш маросимида туман ҳоким ўринбосари М.Чориев, соҳа вакиллари, маҳалла нуронийлари ва фаоллари иштирок этишди.

Ўзбекистон Республикаси Президентининг 2022 йил 2 февралдаги ПҚ-112-сонли Қарорига асосан, бугун, 23 декабрь куни тумандаги маданият марказида Ўзбекистон Давлат Филармонияси ҳамда “Лазги” ашула ва рақс ансамли ижодкорлари томонидан концерт дастури ташкил этилди.

Бугун, 22 декабрь куни туман ҳокими З.Давлатов туманнинг
1-сектор ҳудудидаги “Ғамбур” ва “Дўстлик” маҳалласи аҳолиси ва ёшлари билан учрашув ҳамда сайёр қабул ўтказди.

USAID компаниясининг Агробизнесни ривожлантириш лойиҳаси доирасида хорижий ҳамкорлар ва Шерободлик якка тартибдаги тадбиркор Ш.Ҳасанова ўртасида шартнома имзоланди. Шунга мувофиқ бугун, тумандаги Тароқли маҳалласи ҳудудида гиламчиликни ривожлантиришга ихтисослашган ҳунармандчилик ўқув марказининг очилиш маросими ўтказилди. Маросимда туман ҳокимлиги вакиллари, кенг жамоатчилик вакиллари ва USAID компанияси вакиллари иштирок этишди.

Айниқса, совуқ иқлим кузатилиши билан баъзи фуқароларимизда газ таъминоти етказилиши борасида хавотир пайдо бўлади. Аммо, бунга ҳожат йўқ. Боиси, газ таъминоти ташкилоти томонидан аҳолига йилнинг ҳар қандай фаслида ҳам газ таъминотини бир маромда етказиш чоралари кўрилган. Табиий газ етиб бормайдиган ҳудудлар аҳолиси ўз вақтида суюлтирилган газ билан таъминланади.