Бугун, 2 август куни Шеробод туманидаги Абу Али Ибн Сино номидаги жамоат саломатлиги техникумида Сурхондарё вилояти ИИБ бошлиғи ўринбосари Б.Хидиров ҳамда туман ИИБ бошлиғи Ў.Шукуровлар иштирокида “Дўстлик” маҳалласи аҳолиси учун сайёр қабул ташкил этилди.

Куни кеча Шеробод туманининг ўз бағрида Рўзи Чориевдек истеъдодли халқ рассомини тарбиялаган Пошхурт қишлоғида “Конституцион ислоҳотлар ёшлар нигоҳида” номли тадбир бўлиб ўтди. Унга Сурхондарё вилояти ҳокими Тўра Боболов ташриф буюрди ва дастлаб маҳаллада масъуллар томонидан олиб борилаётган ишлар тақдимоти билан танишди. Сўнгра тадбир доирасида вилоят ҳокими соврини учун ташкил этилган миллий ўйинлар ҳамда шахмат мусобақаларини ҳам бевосита вилоят ҳокими кузатди.

Куни кеча Шеробод тумани ҳокимлигида Халқ депутатлари Сурхондарё вилояти Кенгаши котибияти мудири С.Абдурайимов иштирокида “Сессия қарорларини қабул қилиш ва ижро учун юбориш ҳамда ижросини назорат қилиш, Доимий комиссиялар ва партия депутатлик гуруҳлари фаолиятини самарали ташкил этиш ҳамда “Саховат ва кўмак” жамғармаси маблағларидан фойдаланиш самарадорлиги” мавзусида ўқув-семинари бўлиб ўтди.

Бугун, 30-июл – Халқаро дўстлар куни. Шу муносабат билан туманимиздаги “Бешбулоқ-Сурхон-Шеробод” болалар оромгоҳида Шеробод туман ҳокимлиги, Республика маънавият ва маърифат маркази вилоят бўлими, туман бўлинмаси “Янги Ўзбекистон ёшлари, бирлашайлик!” шиори остида маънавий-маърифий тадбир ташкил этилди. Унда Республика маънавият ва маърифат маркази вилоят бўлими раҳбари Н.Раҳматуллаева, қатор масъуллар, шунингдек тумандаги бир гуруҳ ижодкорлар иштирок этишди.

Бугун, Шеробод тумани ҳокимлиги мажлислар залида Оила ва хотин-қизлар Давлат қўмитаси бош мутахассиси Б.Саидқосимов, “Оила ва хотин-қизлар” илмий-тадқиқот институти кичик илмий ходими З.Илҳамова ҳамда аёлларни реабилитация қилиш ва мослаштириш маркази ҳудудий бўлим директори М.Хафизовалар иштирокида тумандаги маҳалла хотин-қизлар фаоллари ҳамда тумандаги қатор ташкилот вакиллари билан учрашув ташкил этилди.