(2023 йил январ-сентябрь ойлари учун)
1. Инвестиция
2023- йилнинг январ-сентябрь ҳолатига кўра, Асосий капиталга ўзлаштирилган инвестицияларнинг катта қисми, яъни жами инвестицияларнинг 73,6 % тўғридан - тўғри ва бошқа хорижий инвестиция ва кредитлар ҳисобидан молиялаштирилган. Шунингдек, аҳоли маблағлари ҳисобидан 17,8 %, корхона ва ташкилотларнинг ўз маблағлари 3,6 %, Республика бюджети 3,5 %, тижорат банклар кредитлари ва бошқа қарз маблағлари 1,5 % асосий капиталга инвестициялар ўзлаштирилди.
Асосий капиталга ўзлаштирилган инвестициялар Шеробод туманида 959,1 млрд сўмни ташкил қилган.
2. Қурилиш
Шеробод туманида 2023- йилнинг январ-сентябрь ҳолатига кўра, қурилиш ишлари 257,6 млрд. сўмни ташкил қилди. Ўтган йилга нисбатан 106,0 фоиз ўсиш суръати кузатилди.
3. Кичик тадбиркорлик
2023- йилнинг январ-сентябрь ҳолатига кўра, Шеробод тумани бўйича фаолият юритаётган кичик корхона ва микрофирмаларнинг сони 1 064 тани ташкил қилмоқда.
4. Хизматлар
Шеробод туманида 2023- йилнинг январ-сентябрь ойларида, кўрсатилган бозор хизматлари ҳажми 587,0 млрд. сўмни ташкил қилиб, ўсиш суръати 109,6 фоизни ташкил қилди.
5. Ташқи савдо
2023- йилнинг январ-сентябрь ойларида туманнинг ташқи савдо айланмаси (матнда ТСА) 17 080,4 минг АҚШ долларига етди.
6. Ички савдо
Таҳлилий натижаларга кўра, чакана савдо товар айланмаси 837,7 млрд. сўмни ташкил қилиб, ўсиш суръати 107,8 фоизни ташкил қилди.
Шеробод туманининг корхона ва ташкилотлари демографияси тўғрисида маълумотлар
1- феврал ҳолатига кўра, деҳқон фермер хўжаликлардан ташқари
Туманимизда 2023 йилнинг январ-сентябрь ойларида, 268 та корхона ва ташкилотлар янги ташкил этилган бўлиб, 1 октабр ҳолатига жами рўйхатдан ўтган юридик шахслар сони 3829 та бўлиб, шундан фаолия кўрсатаётган корхоналар сони 2390 тани таш қилади.
Фаолият юритаётган корхоналар сонидан - Хусусий сектор – 2140 та, Деҳқон хўжалиги – 4 та, Фермер хўжалиги – 620 та, Хусусий корхона – 297 та, Масъулияти чеклаган жамиятлар – 842 та, Акционерлик жамияти – 1 та, ХКлар ва хорижий сармоя иштирокидаги корхоналар – 6 та, Оилавий корхоналар – 344 та, Бошқа хусусий мулклари – 26 та, Давлат корхоналари ва муассасалар – 250 та ни ташкил этади.
7. Саноат маҳсулотлари ишлаб чиқарилиши
Дастлабки маълумотлар бўйича 2023- йилнинг январ-сентябрь ойиларда тумандаги корхоналар томонидан 630,0 млрд. сўмлик саноат маҳсулотлари ишлаб чиқарилган бўлиб, 2022- йилнинг мос даврига нисбатан саноат ишлаб чиқаришининг физик ҳажм индекси 106,7 % ни ташкил этди.
8. Шеробод туманининг қишлоқ хўжалиги кўрсаткичлари
Дастлабки маълумотларга кўра, 2023- йилнинг январ-сентябрь ойларида қишлоқ, ўрмон ва балиқчилик хўжалиги маҳсулот (хизмат) ларининг умумий ҳажми 2327,2 млрд. сўмни ёки 2022- йилнинг мос даврига нисбатан 108,6 % ни ташкил этди.
9. Шеробод туманининг демографияси
Шеробод туманида 2023- йил 1- октабр ҳолатига доимий аҳоли сони 209,6 минг кишини ташкил этиб, йил бошига нисбатан 3,5 минг кишига ёки 1,7 % га кўпайди.

Шеробод туман статистика бўлими бошлиғи
К.Бобоқулов

Маълумки, мустақиллик йилларида амалга оширилган ислоҳотлар фуқароларга берилаётган имкониятлар, юртимизда тадбиркорликнинг ривожланишига аратилган кенг имкониятлар эса фуқароларнинг фаровон ҳаёт кечиришлари учун замин яратмоқда.

Амалдаги қонунчилик талабларига кўра, фуқаролар ва юридик шахсларнинг фуқаролик ҳуқуқ ва бурчларини белгилаш, ўзгартириш ёки бекор қилишга қаратилган ҳаракатлари битимлар деб юритилади. Кундалик ҳаётда инсонлар тули хил мазмунда ўзаро битимлар тузишади. Шунингдек ушбу битимлар ўзаро келишувга мувофиқ ҳар хил усулда тузилиши билан бирга қонунда назарда тутилганидек ўзаро ҳуқуқ ва мажбуриятларни келтириб чиқаради.

Бугунги кунда мамлакатимизда олиб борилаётган туб ислоҳотларнинг асл моҳияти инвестиция муҳитини яхшилаш, иқтисодиётни ривожлантириш орқали халқ фаровонлигига эришишдан иборат. Чет элдан инвесторни жалб этиш учун унга, биринчи навбатда, қулай ишбилармонлик муҳити, ҳуқуқ ва манфаатларини ҳимоя қилиш учун қонуний кафолатлар яратиб бериш лозим.

Янги таҳрирдаги Конституцияда белгиланган суверен, демократик, ҳуқуқий, ижтимоий ва дунёвий давлат устувор принципларидан келиб чиқиб, Ўзбекистон Республикаси Президентининг 2023 йил 08 май кунидаги “Янги таҳрирдаги Ўзбекистон Республикаси Конституциясини амалга ошириш бўйича биринчи навбатдаги чора-тадбирлар тўғрисида”ги Фармони асосида  янги таҳрирдаги Конституцияни амалга ошириш бўйича давлат органлари ва ташкилотлари олдида турган биринчи галдаги вазифалар белгилаб берилди.