“Давлат фуқаролик хизмати тўғрисидаги” қонунда давлат фуқаролик хизматчисига тиббий хизмат кўрсатиш ижтимоий ҳимоя чораси сифатида кафолатланган. Шу мақсадда бугун,
15 февраль куни туман тиббиёт бирлашмасининг малакали мутахассислари иштирокида Шеробод тумани ҳокимлигида фаолият юритаётган давлат фуқаролик хизматчиларининг соғлиги бирламчи тиббий кўрикдан ўтказилди.

Унда туман ҳокимлигида фаолият юритаётган 32 нафар ходимлар турли йўналишда саломатликларини назоратдан ўтказиб, барча зарурий тиббий асбоб-ускуналар, замонавий лаборатор-диагностик аппаратлар ёрдамида текширувдан ўтишди.

14-февраль куни Ўзбекистон Республикасининг “Халқ депутатлари вилоят, туман ва шаҳар Кенгаши депутатининг мақоми тўғрисида”ги Қонуннинг 7-моддасига мувофиқ халқ депутатлари Шеробод тумани Кенгаши депутати Й.Шоймонов туманнинг “Ҳакимобод” маҳалла фуқаролар йиғини сайловчилари билан навбатдаги учрашувини ўтказди.

.

Бугун, 14 февраль куни жиноят ишлари бўйича Шеробод туман суди томонидан туман ИИБда навбатдаги сайёр суд мажлиси ўтказилди. 

Сайёр суд мажлисида Инсонпарварлик тамойилига таяниб туман бўйича Ички ишлар бўлими Жамоат хавфсизлиги хизмати Пробация гуруҳи ҳисобида туриб, ҳақиқатда меҳнатга ҳалол муносабатда бўлган ва жазо ўташнинг тартиб қоидаларига риоя қилиб, тузалиш йўлига ўтган, қилмишидан чин кўнгилдан пушаймон бўлиб, судлар томонидан ўрнатилган тақиқ ва чекловларга тўлиқ риоя қилган ҳамда ўзининг хулқини ижобий томонга ўзгартирган 6 нафар назоратдаги шахслар Ўзбекистон Республикаси Жиноят Кодексининг 73-моддасига асосан муддатидан илгари ўтаётган жазоларидан шартли равишда озод қилинди. 

Ўзбекистон Республикаси Президентининг 2019 йил 8 январдаги “Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида”ги ПҚ-4102-сонли Қарори (https://lex.uz/docs/4145890) ижросини таъминлаш мақсадида жорий йилнинг 3 февраль куни туманимизда Ўзбекистон Республикаси Президенти Администрацияси вакиллари томонидан ўқув семинари ташкил этилган эди.