Сурхондарёдан Ҳаж-2022 сафарига бориб қайтаётган 615 нафар фуқаролардан сўнгги 3-рейсда 110 нафари, яъни 11-гуруҳ: Музработ, Бандихон, Денов туманлари, 12-гуруҳ: Жарқўрғон, Денов туманлари ҳамда Термиз шаҳрида истиқомат қилувчи фуқаролар 28 июль куни маҳаллий вақт билан кеч соат 23:35да Жидда шаҳридан Қарши шаҳрига етиб келишган ва бугун эрта тонгда улар туманимиздаги Имом Абу Исо Муҳаммад ат-Термизий мажмуасида муносиб кутиб олинди. Хожиларни қутлаш учун йиғилган яқинлари уларни ўзгача қувонч ва ҳис-ҳаяжон билан қарши олишди.

Ўзбекистон Республикаси Бюджет кодекси, Ўзбекистон Республикаси Президентининг “Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида”ги 2021-йил 13-апрелдаги ПҚ-5072-сон қарори, Ўзбекистон Республикаси Олий Мажлиси Сенати Кенгашининг “Маҳаллий бюджет маблағлари сарфланишида жамоатчилик иштирокини таъминлаш тўғрисида”ги 2021-йил 22-апрелдаги КҚ-213-ИВ-сон қарори, Ўзбекистон Республикаси Вазирлар Маҳкамасининг “Хотин-қизлар муаммоларини ўрганиш ва ҳал етиш тизимини янада такомиллаштириш чора-тадбирлари тўғрисида”ги 2022-йил 31-мартдаги 145-сонли, “Ёшлар муаммоларини ўрганиш ва ҳал етиш тизимини янада такомиллаштириш чора-тадбирлари тўғрисида”ги 2022-йил 7-июндаги 312-сонли қарорларига мувофиқ, халқ депутатлари туман Кенгаши

ҚАРОР ҚИЛАДИ:

1. Кун тартибидаги масала юзасидан билдирилган фикр-мулоҳазалар маълумот учун қабул қилинсин.

2. Туман маҳаллий бюджетининг 2022-йил 2-чорак даромадлар режасининг ошириб бажарилган қисми маблағлари ҳисобидан “Фуқаролар ташаббуси” жамғармасига 300,2 млн. сўм, “Аёллар дафтари” жамғармасига 150,6 млн. сўм ва “Ёшлар дафтари” жамғармасига 150,6 млн. сўм жами 601,4 млн. сўм маблағ ажратилсин.

3. Туман Молия бўлими (О.Абсаев) ажратилган маблағлар бўйича туман маҳаллий бюджетига тегишли ўзгартириш ва қўшимчалар киритиш вазифаси топширилсин.

4. Туман Ғазначилик бўлинмаси (Ж.Шафиев) ажратилган маблағлар бўйича белгиланган тартибда тўловларни амалга ошириш юклатилсин.
   
   
5. Туман ҳокимлиги бош ҳисобчиси (Т.Сапаров) ажратилган маблағларнинг қонунчиликда ўрнатилган тартибда самарали ва мақсадли сарфланишини таъминласин.

6. Мазкур қарор ижросини назорат қилиш туман ҳокимининг биринчи ўринбосари У.Панжиев зиммасига юклатилсин.

7. Мазкур қарор қабул қилинган кундан кучга киради.

Бугун, 27 июль куни Шеробод туман ИИБда профилактика инспекторлари учун Ўзбекистон Республикаси Президентининг 2019 йил 30 июлдаги “Одам савдоси ва мажбурий меҳнатга қарши курашиш тизимини янада такомиллаштиришга оид қўшимча чора-тадбирлар тўғрисида”ги
ПФ-5775-сонли Фармони ижросини таъминлаш мақсадида Республика “Истиқболли авлод” ижтимоий-ахборот маркази Сурхондарё вилоят бўлими томонидан амалга оширилаётган “Ўзбекистонда ҳуқуқни муҳофаза қилувчи органлар, давлат органлари ва фуқаролик жамияти институтларининг салоҳиятини ошириш орқали одам савдоси учун жиноий жавобгарликка тортишни мустаҳкамлаш” номли лойиҳа доирасида “Одам савдоси устидан жиноий жавобгарликни кучайтиришда ҳуқуқбузарликлар профилактикаси инспекторларининг роли” мавзусида ўқув семинар-тренинг ташкил этилди.

Францияда кураш бўйича Ўзбекистон Республикаси Президенти соврини учун халқаро турнир бўлиб ўтди. Мусобақада дунёнинг 30 га яқин энг кучли полвонлари бахс олиб боришди. Курашларда тумандошимиз Муҳаммадкарим Хуррамов ҳам иштирок этди ва эркаклар ўртасида тенгсиз деб топилиб, бош соврин 5 минг еврони қўлга киритди.

"Камалак юлдузлари" болалар ижодиёти фестивалининг Сурхондарё вилоят босқичида сектор, туман-шаҳар босқичларида ғолиб бўлган 120 нафар иқтидорли болалар 6 та йўналиш бўйича ўз истеъдодларини намоён қилишди ва Шеробод туман ёшлари танловда қатор фахрли ўринларни қўлга киритишди.