Куни кеча Наманган шаҳрида “Беш ташаббус олимпиадаси” доирасида 16-21 ёш тоифасида спортнинг волейбол тури бўйича қизлар ўртасидаги мусобақанинг Республика босқичи ўтказилди. Унда туман (шаҳар), вилоят босқичида ғолиб бўлган жамоалар ўзаро бахс олиб боришди. Мусобақада Сурхондарё вилояти шаънини Шеробод туманидаги “Бойқишлоқ” маҳалласининг қизларидан таркиб топган жамоа ҳимоя қилди.

Жорий йилнинг 23-24 июнь кунлари Шеробод тумани ҳудудидаги Қизил олма қишлоғидан Сурхон давлат қўриқхонаси ҳудудида жойлашган “Зараутсой қоятош суратлари”нинг қўриқланма ҳудудигача 4 кмлик носоз йўл таъмири маҳаллий ва хорижий сайёҳлар ташрифи учун маҳаллий тадбиркор Жанаев Баҳром томонидан амалга оширилди. Ҳозирги кунда ушбу ҳудудда зиёрат ва экологик туризмни ташкил қилиш учун зарур инфратузилмани яратишга инвесторларни жалб қилиш чоралари кўрилиб, инвесторлар томонидан ушбу ҳудудда енгил конструкцияли жиҳозлардан туризм инфратузилма (ўтов лагерлари мажмуаси, эко уйлар мажмуаси ҳамда чодирли лагерлар ва бошқалар) объектларини ташкил этиш юзасидан таклифлар билдирилмоқда. Келгусида Сурхон давлат қўриқхонаси қўриқланма ҳудудида Зараутсой экотуризм маскани бунёд этилиши режалаштирилган.

Аввал хабар қилганимиздек, куни кеча “Беш ташаббус олимпиадаси” доирасидаги спортнинг шашка тури бўйича мусобақаларнинг республика босқичи ғолиблари тақдирланди. Улар орасида тумандошимиз Отабек Ахмедов ҳам бор. Туманимизнинг “Истиқбол” маҳалласида истиқомат қилувчи 25 ёшли Отабек мусобақада фахрли 1-ўрин соҳиби бўлди ва 10 млн сўмлик пул мукофотини қўлга киритди.

Бугун, 23 июнь куни тумандаги 3-сектор ҳудудида жойлашган “Олтин воҳа” маҳалласида Ўзбекистон Республикаси ИИВнинг 2022 йил 7 июндаги 135-фармойишига асосан, 3-сектор раҳбари, туман ИИБ бошлиғи Ў.Шукуров ташаббуси билан ички ишлар тизимида узоқ йиллар самарали меҳнат қилган ва ҳозирда истеъфода бўлган фахрийлар, профилактика инспекторлари ҳамда бошқалар иштирокида “Уч авлод учрашуви” тадбири ташкил этилди.

Жорий йилнинг 15-22 июнь кунлари Малдив давлатининг Укулхас оролида 8 ёшдан 18 ёшгача бўлган шахматчилар ўртасида Ғарбий Осиё чемпионати баҳслари бўлиб ўтди. Қувонарлиси, ушбу мусобақада юртимиз ёш ақл-идрок соҳиблари муваффақиятли иштирок этишди.