2022 йил бошидан бугунги кунга қадар Шеробод туманида 2490 нафар ижтимоий ҳимояга муҳтож хотин-қизлар "Аёллар дафтари"нинг 3-босқичига киритилган бўлиб, уларга эҳтиёжларидан келиб чиққан ҳолда турли ёрдамлар кўрсатиб келинмоқда.

Шунга мувофиқ, маҳаллаларда ўрганиш ишлари олиб бориш жараёнида саёҳат қилиш истагини билдирган 45 нафар"Аёллар дафтари"да турадиган Шерободлик хотин-қизлар бугун "Аёллар дафтари" жамғармаси ҳисобидан Самарқанд шаҳрига саёҳатга йўл олишди.

Бугун 1 ноябрь куни туманнинг “Чўйинчи” маҳалласидаги спорт мажмуасида туман ҳокимлиги ва Давлат хавфсизлик хизмати шунингдек тумандаги барча корхона ва ташкилотлар ҳамда муассаса ходимлари иштирокида спортнинг мини-футбол тури бўйича ўртоқлик учрашувлари ташкил этилди.

Абдурахмонов Қурбон Ўроқович - Ўзбекистон Республикаси ёшлар ишлари Агентлиги Шеробод туман бўлими бошлиғи лавозимига тайинланди.

Ўзбекистон Республикаси Халқ таълими вазирининг 2022 йил 28 июлдаги 246-буйруғининг мезонлари бўйича бугун, 31 октябрь куни Шеробод туманидаги 2-сонли умумтаълим мактабида эрталабки сафланиш жараёнларида 1-чорак якуни бўйича яхши натижаларни қайд этган мазкур мактаб директори С.Aбдулаҳатова “Энг намунали мактаб директори”, шу мактаб ўқитувчиси Ш.Сафарниёзова “Энг намунали муаллим”, ушбу мактаб ўқувчиси Т.Холмуродов “Энг намунали ўқувчи”, И.Бобожонов “Энг намунали ота-она” номинацияларида Халқ таълими вазирлигининг ташаккурномалари билан тақдирланишди.

Бугун 29 октябрь куни 1-сектор ҳудудида жойлашган
3-умумтаълим мактабида туман ҳокимлиги, туман маънавият ва маърифат бўлинмаси, туман мудофаа ишлари бўлими, Ёшлар ишлари агентлиги, Халқ таълим бўлими, 49509-сонли ҳарбий-қисм ҳамда “Ватанпарвар” ташкилоти туман ўқув спорт техник клуби билан ҳамкорликда ёшларни ватанпарварлик руҳида тарбиялаш мақсадида давра суҳбати бўлиб ўтди.