Туманнинг “Уч ёғоч” маҳалласида 4-сектор раҳбари Ш.Жумаев ҳамда маҳалла раиси ташаббуси билан маҳалладаги Хонақо, Қорачашма, Чиллахона ва Ёшлар гузарларида дошқозонларда ёрма таоми тайёрланиб, аҳолига тарқатилди.

Бугун, 20 январь куни туман ҳокими З.Давлатов туман ҳокимлигида навбатдаги қабулини ўтказди. Қабулда туман ҳокими ўринбосарлари, корхона ва ташкилотлар раҳбарлари, тегишли масъуллар, маҳалла фуқаролар йиғини раислари ҳамда хотин-қизлар фаоллари иштирок этишди.

Бугун, 20 январь куни туман ҳокимлиги мажлислар залида Сурхондарё вилояти прокурори ўринбосари Ў.Юсупов, туман ҳокими З.Давлатов, сектор раҳбарлари, қишлоқ хўжалиги бўлими масъуллари ҳамда бошқа алоқадор шахслар иштирокида йиғилиш ўтказилди.

Вилоят ҳокимининг топшириғига асосан ёшларни ватанпарварлик руҳида тарбиялаш, уларнинг муаммоларини бартараф этиш мақсадида ҳар бир сектор раҳбарларига 20 нафардан ёшлар бириктирилган. Ушбу ёшлар билан суҳбатлар ўтказилиб, муаммолари ўрганилмоқда.

Бугун, 20 январь куни 2-сектор раҳбари, туман прокурори Б.Юнусов сектор ҳудудидаги ёшлар билан учрашиб, ёшларни ватанпарварлик руҳида тарбиялаш, уларнинг муаммоларини бартараф этиш мақсадида ёшлар билан суҳбат ўтказди, муаммолари ўрганди.