Бугун туманнинг “Чўйинчи” маҳалласи ҳудудида жойлашган 9-сонли ҳамда “Меҳнатобод” маҳалласи ҳудудида жойлашган 22-сонли давлат мактабгача таълим ташкилотларида навбатдаги ўқув амалий семинарлари ташкил этилди. Семинарларда туман МТБ мудири, МТБ масъул ходимлари, тумандаги барча давлат мактабгача таълим ташкилоти директорлари, ташкилот методистлари ҳамда тарбиячи педагог ходимлар иштирок этишди.

Шеробод тумани ҳокими З.Халилов туманнинг “Чўмишли” маҳалласи ҳудудида жойлашган Имом Абу Исо Муҳаммад
ат-Термизий ёдгорлик мажмуасида туман маҳалла ва нуронийларни қўллаб-қувватлаш бўлими масъуллари, зиёратгоҳга яқин ҳудудда жойлашган маҳаллалар раислари, имомлари ҳамда оқсоқоллари билан учрашди.

Шеробод туманининг “Чўйинчи” маҳалласи ҳудудида жойлашган муҳташам спорт мажмуаси бугун анчагина гавжум бўлди. Боиси манзилда “Аҳоли бандлигини таъминлаш устувор вазифамиз” шиори остида тадбир ташкил этилди. Об-ҳавонинг ноқулайликларига қарамай мазкур тадбир юқори савияда ўтказилди. Тадбир доирасида дошқозонларда кўклам таоми саналмиш ёрмалар тайёрланиб, аҳолига тарқатилди.

Тадбирга Сурхондарё вилояти ҳокими У.Қосимов ташриф буюрди. Даставвал вилоят раҳбари бошчилигида жонлиқ сўйилиб, Қуръон тиловат қилинди. 

Шундан сўнг вилоят раҳбари туманда келгусида амалга оширилиши кўзда тутилган истиқболли лойиҳалар тақдимоти билан танишди.

Сўнгра вилоят ҳокими манзилда жам бўлган фуқаролар билан учрашиб, уларни бугунги кунда юртимизда олиб борилаётган кенг кўламли ислоҳотлардан хабардор этди.

Маълумот ўрнида, Шеробод туманидаги “Шеробод текстиль” МЖЧда 300 нафар, “Шеробод агро импекс” МЧЖда 200 нафар, ҳақ тўланадиган жамоат ишлари орқали 200 нафар фуқаронинг бандлиги таъминланган бўлса, яқинда туманда “Масдар” компанияси томонидан ишга тушириладиган йирик лойиҳа эвазига яна 500 нафар фуқаро ишли бўлиши кўзда тутилган. Қолаверса, шу куннинг ўзида ҳоким ёрдамчилари тавсияси асосида 50 нафар аёлларга тикув машинаси, туман оила ва хотин-қизлар бўлими томонидан “Аёллар дафтари”да турган 100 нафар хотин-қизларга тикув машинаси, 68 нафар аёлга эса пишириш печлари, бундан ташқари, “Ёшлар дафтари” жамғармаси ҳисобидан тумандаги 31 нафар ёшга пайвандлаш ускунаси, тикув машинаси ва компютерь жамланмаси каби асбоб-ускуналар субсидия асосида топширилди ва уларнинг бандлиги таъминланди.

Туман ҳокимлиги, Маънавият ва маърифат бўлинмаси, Маданият ва туризм бўлими ҳамда бошқа ташкилотлар ҳамкорлигида ташкил этилган тадбирда шоир ва ёзувчилар, хотин-қизлар фаоллари, умумтаълим мактаблари ўқувчилари ва бошқалар иштирок этишди.

Куни кеча Аҳоли бандлигига кўмаклашиш маркази ва ҳоким ёрдамчилари билан биргаликда туманимиздаги хорижий давлатларда ишлаш истагида бўлган ишсиз фуқароларни ишга жойлаштириш бўйича учрашув ташкил қилинди.