Юртимизда жорий этилган "Беш ташаббус олимпиадаси" ўтган қисқа фурсат ичида мамлакатимизнинг минглаб ёшларини қамраб олди. Олимпиаданинг навбатдаги мавсумларини ҳам юқори савияда ташкил этиш мақсадида бугун Шеробод туманининг 48 та маҳалласида фаолият юритаётган Ёшлар етакчиларига волейбол, баскетбол, футбол тўплари ҳамда бошқа спорт анжомлари топширилди.

Шеробод туманининг “Новбур” маҳалласида жойлашган “Малика” мева-сабзавотчилик кластерида бугунги кунда ишлар қизғин. Ушбу кластернинг 3 гектар ер майдонига айни кунларда турли сабзавотлар ва полиз экинлари экилмоқда.

Шеробод туман 4-сектор раҳбари Ш.Жумаев сектор ҳудудида жойлашган Зарабоғ маҳалласи бешлиги: маҳалла раиси, ҳоким ёрдамчиси, хотин-қизлар фаоли, ёшлар етакчиси ва профилактика инспекторлари билан учрашди.
Учрашувда ҳудуддаги ишсизларнинг бандлигини таъминлаш юзасидан таклифлар тингланди. Ҳудуддаги бўш турган нотурар объект эгалари билан гаплашиб, янгидан тадбиркорлик қилиш истагида бўлган янги тадбиркорларга келишув асосида ижарага олиб бериш масаласи келишиб олинди ва туман 4-сектор раҳбари сектор ҳудудида олиб борилаётган ишлар юзасидан топшириқ ҳамда кўрсатмалар берилди.

Куни кеча Шеробод тумани ҳокими Зайнобиддин Халилов тумандаги “Меҳнатобод” маҳалласининг Фаровон кўчасидаги муаммоли хонадонлардан бирида бўлди. Ушбу хонадонда яшовчи аёл оиладаги низолар туфайли масъулларга мурожаат қилиб, амалий кўмак сўраган. Туман раҳбари ва тегишли мутасаддилар ушбу хонадондаги вазиятни яқиндан ўрганиб, аёл, унинг қайнонаси ва қайнотаси билан суҳбатда бўлиб, келишмовчиликларни бартараф этиш юзасидан тушунтиришлар беришди. Масъуллар оила муқаддас даргоҳ эканлигини билдиришди ва хонадон эгаларини аҳил бўлишга чақиришди.

Шеробод туманида “Яшил макон” умуммиллий дастури асосидаги қатор амалий ишлар олиб борилмоқда. Хусусан, бугун, Шеробод тумани Фермер деҳқон хўжаликлари ва томорқа ер эгалари кенгаши вакиллари томонидан туманнинг 2-сектори ҳудудидаги "Гулчинор" маҳалласи Чинобод массивида жойлашган "Қорақосмоқ Ок кўприк" фермер хўжалигига қарашли дала атрофига мевали ва манзарали дарахт кўчатлари экилди.