Бугун, 18 февраль куни Шеробод туманининг “Чўйинчи” маҳалласида жойлашган 56-умумтаълим мактабида вилоят ҳамда туман санитария эпидемиологик осойишталик ва жамоат саломатлиги бўлими томонидан Ўзбекистон Республикаси Президентининг Олий Мажлисга ва Ўзбекистон халқига мурожаатномасида белгиланган вазифаларга мувофиқ, аҳоли хонадонларида орасталикни таъминлаш, шунингдек, юқумли касалликларнинг олдини олиш, тўғри овқатланиш ва соғлом турмуш тарзига риоя этилиши бўйича маҳалла фаоллари билан учрашув ўтказилди.

Ўзбекистон Республикасининг “Халқ депутатлари вилоят, туман ва шаҳар Кенгаши депутатининг мақоми тўғрисида”ги Қонуннинг 7-моддасига мувофиқ халқ депутатлари Шеробод тумани Кенгашига 1-Гулистон сайлов округидан сайланган депутат С.Ешонқулов туманнинг “Узунсой” маҳалла фуқаролар йиғини сайловчилари билан илк учрашувини ўтказди.

Шеробод тумани ҳокими Зайнобиддин Халилов туман марказидаги кўчаларнинг ҳолатини ўрганиш мобайнида туманда фаолият юритаётган давлат ташкилотларининг иш жараёни ҳамда фуқаролар билан ишлаш ҳолатини кўздан кечирди.

Хусусан, туман раҳбари молия, ғазначилик, солиқ, статистика бўлимлари, халқ қабулхонаси, фермерлар кенгашини пиёда юрган ҳолда ўрганди.

Учрашувда ҳудуддаги ишсизларнинг бандлигини таъминлаш юзасидан таклифлар тингланди. Ҳудуддаги бўш турган нотурар объект эгалари билан суҳбатлашиб, янгидан тадбиркорлик қилиш истагида бўлган янги тадбиркорларга келишув асосида ижарага олиб бериш масаласи келишиб олинди ва туман 4-сектор раҳбари сектор ҳудудида олиб борилаётган ишлар юзасидан масъулларга топшириқ ҳамда кўрсатмалар берилди.

Бундан ташқари маҳаллада жойлашган мактабларга маҳалла фаоллари билан бирга бориб ўқувчи ёшларга яратилган шароитлар, ўқувчиларнинг билим олишлари ва давоматлари билан яқиндан танишилди.

Шеробод туман “Оқила аёллар” ҳаракати туман кенгаши раиси ва унинг фаол аъзолари иштирокида Ўзбекистон Республикаси Вазирлар Маҳкамасининг 2022 йил 8 августдаги “ Оқила аёллар” ҳаракати фаолиятини ташкил этиш чора-тадбирлари тўғрисида” ги 437-сонли қарори билан тасдиқланган Низомда белгиланган вазифалар ижроси юзасидан 2023 йилги иш режаси ишлаб чиқилиб, ҳаракат аъзоларига етказилди. “Оқила аёллар” ҳаракати аъзоларини тумандаги 48 та маҳаллага бириктириб, ишлар самарадорлигини оширишга келишиб олинди. Мазкур жараёнда 2022 йил давомида салбий кўрсаткичи юқори бўлган маҳаллаларга ҳаракатнинг ҳар бир аъзоси иштирокида оилалардаги ажрим ҳолатлари, нотинч-ноқобил оилаларнинг ижтимоий-маънавий муҳитини соғломлаштириш юзасидан тегишли кўрсатмалар берилди. Шунингдек, ҳаракат аъзолари томонидан 17 январь “Китобхон оналар” куни дея белгиланди.