Куни кеча Сурхондарё вилояти Дин ишлари бўйича қўмитанинг ҳудудий бошқармаси етакчи мутахассиси Ҳ.Хуррамова бошчилигида Шеробод тумани Мактабгача таълим бўлими хотин-қизлари учун тумандаги Ахборот-кутубхона марказида йиғилиш ўтказилди. Йиғилишда Туман Аёлларни Реабилитация қилиш ва мослаштириш маркази Ижтимоий мослаштирув маслаҳатхонаси бошлиғи ҳамда Тарғибот гуруҳи раҳбари Т.Чориева, туман Жоме масжиди имом ноиби С.Пўлатовлар иштирок этишди.

Бугун, 24 август куни туман ҳокимлиги мажлислар залида туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари - туман иқтисодий тараққиёт ва камбағалликни қисқартириш бўлими бошлиғи У.Панжиев иштирокида йиғилиш бўлиб ўтди. Унда туман ҳокимининг тармоқлар бўйича ўринбосарлари ва аппарат ходимлари, шунингдек тегишли масъуллар қатнашдилар. Йиғилишда дастлаб янги тайинланган ходимлар таништирилди.

Бундан бир муддат илгари Шеробод тумани ҳокими З.Давлатов Тахиатош туманининг "Сарайкўл" маҳалласи ҳудудида бўлиб, шу ерлик 3 нафар ҳунармандларнинг фаолияти билан танишиб, уларга ўз фаолиятларини кенгайтириб, маҳаллани ижтимоий-иқтисодий ривожлантириш учун амалий кўмак беришини айтганди. Куни кеча ҳокимнинг ана шу ваъдасига мувофиқ Шеробод тумани ҳокимлиги ҳамда Шерободнинг намунали фермер хўжаликлари ҳомийлиги асосида 1 нафар гиламдўз ҳунармандга пул мукофоти ҳамда замонавий чангютгич, 2 нафар тикувчи аёлларга эса пул мукофоти топширилди. Ушбу ҳунарманд аёллар бугунги кунда ўз ҳунарлари ортидан ишлаб чиқаришни йўлга қўйган бўлиб, бир қанча хотин-қизларнинг бандлигини ҳам таъминлашган.

Айни вақтда Шеробод тумани "Катта ҳаёт" маҳалла фуқаролар йиғини ҳудудидаги истироҳат боғида вилоят ҳокими Тўра Боболов бошчилигида секторлар, вилоят ҳокими ўринбосарлари, бошқарма ва ташкилотлар, Халқ қабулхонаси раҳбарларининг аҳоли муаммоларини ўрганиш мақсадида оммавий сайёр қабули бўлиб ўтмоқда.

Бугун, 22 август куни туманимизда Сурхондарё вилояти мактабгача таълим бошқармаси, Шеробод туман ҳокимлиги ҳамда туман мактабгача таълим бўлими томонидан “Мактабгача таълим сифати: жорий ҳолат ва истиқболдаги вазифалар” мавзусида анъанавий август конференцияси ўтказилди. Унда вилоят мактабгача таълим бошқармаси бошлиғи Ш.Холлиева, туман ҳокими ўринбосари М.Чориев, туман мактабгача таълим бўлими мудири А.Пирматов ҳамда мактабгача таълим ташкилотлари раҳбарлари ва ходимлари иштирок этишди.