Бозор ҳудудида автотурагоҳни тартибга солиш, ноқонуний қурилишларни бартараф этиш, ҳудудни тартибга келтириш, ер ости туннелини ишга тушириш, ҳудудни замонавий қиёфага келтириш ҳамда туман марказини ободонлаштириш, сотувчи ва харидорлар учун шароитлар яратиш ишлари ўрганилди.

Халқ депутатлари Шеробод тумани кенгашининг навбатдан ташқари сессиясида ташкилий масала кўриб чиқилди.

Сессияда туман ҳокими лавозимида ишлаб келган Халилов Зайнобиддин Жалолитдинович соғлиги туфайли ўз аризасига кўра вазифасидан озод этилганлиги маълум қилинди. Унинг ўрнига Алимов Усмон Иброҳимович туман ҳокими вазифасини бажарувчи этиб тасдиқланди.

Туман ҳокимлиги мажлислар залида туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Р.Хамраев ҳамда экология ва кўкаламзорлаштириш масалалари бўйича ўринбосари С.Боқиев раҳбарлигида йиғилиш бўлиб ўтди. Унда ҳокимлик аппарат ходимлари, туман Давлат солиқ инспекцияси ходимлари, маҳалла раислари ва ҳоким ёрдамчилари, шунингдек корхона ва ташкилот раҳбарлари ҳамда масъуллари қатнашишди.

Шеробод тумани “Олтинвоҳа” маҳалласи ҳудудида жойлашган “Ҳокимлик боғи”да “Яшил макон” умуммиллий лойиҳаси доирасида кенг жамоатчилик вакиллари иштирокида кузги кўчат экиш ишлари бошлаб юборилди.

Бугун, 26 октябрь куни туман ҳокимлиги мажлислар залида Халқ депутатлари Шеробод тумани Кенгашининг навбатдаги 73-сессияси ўтказилди.