Сессия ишида ўн саккизта масала кўриб чиқилди. Хусусан, “Темир дафтар”га киритилган фуқароларнинг бандлигини таъминлаш, уларни касб-ҳунарга ва тадбиркорликка ўқитиш, ижтимоий ҳимоясини кучайтириш, шунингдек, уларнинг дафтардан чиқариш бўйича амалга оширилаётган ишлар, Фуқаролар ҳуқуқлари ва эркинликларини, шунингдек корхоналар, муассасалар ва ташкилотларнинг ҳуқуқлари ҳамда қонун билан қўриқланадиган манфаатларини суд йўли билан ҳимоя қилишни амалга ошириш ва шунга ўхшаш қатор масалаларга алоҳида эътибор қаратилди.

Куни кеча туманимиздаги 41-сон манзил колониясида бюджетдан ташқари пенсия жамғармаси Шеробод тумани бўлими ходимлари томонидан коррупциянинг олдини олиш мақсадида навбатдаги тарғибот тадбири ўтказилди.

Сентябрь ойининг учинчи шанбасида мунтазам ўтказиладиган “Бутунжаҳон тозалик куни” муносабати билан бугун,
17-сентябрь куни “Тоза ҳудуд” ДУК Шеробод туман филиалида тадбир ташкил этилди. Тадбирда Сурхондарё вилояти “Тоза ҳудуд” ДУК директори Э.Бегимқулов, туман ҳокими ўринбосари Н.Маҳмадияров, “Тоза ҳудуд” ДУК Шеробод туман филиали раҳбари Х.Абдураҳмонов, Туман Уй –жой коммунал хизмат кўрсатиш бўлими бошлиғи Д.Кунниев, Экология ва атроф муҳитни муҳофаза қилиш соҳасидаги назорат бўйича туман инспекцияси бошлиғи М.Бодиев ва бошқа қатор масъуллар ҳам иштирок этишди.

Бугун 17 сентябрь куни халқ депутатлари Шеробод туман Кенгашининг Таълим, соғлиқни сақлаш, маданият, спорт ва ижтимоий ҳимоя масалалари бўйича доимий комиссиясининг навбатдаги мажлиси ўтказилди. Мазкур доимий комиссия мажлисида туман Кенгашининг навбатдаги сессияси кун тартибига киритилган масалалар юзасидан Маънавият ва маърифат маркази туман бўлинмаси раҳбари, туман мактабгача таълим бўлими мудири ҳамда туман ҳокимлигининг Болаларни ҳимоя қилиш шўбасининг фаолиятига доир ҳисоботлари эшитилди ва муҳокама этилди.

Бугун, 17 сентябрь куни Шеробод тумани ҳокимлиги мажлислар залида туман ҳокимлиги ҳамда Санитария-эпидемиологик осойишталик ва жамоат саломатлиги хизмати туман бўлими билан ҳамкорликда “Санитария-эпидемиологик осойишталик ва жамоат саломатлиги хизматини зарур асбоб-ускуналар билан жиҳозлаш” мавзусида навбатдаги матбуот анжумани ташкил этилди.