Барчамизга маълумки, давлатимиз, хусусан иқтисодиётимиз ривожида тадбиркорларнинг ўрни беқиёс. Шу боис уларни ҳар томонлама қўллаб-қувватлаш, фаолиятларини ривожлантириш учун зарурий шарт-шароитлар ва имкониятларни яратиш устувор вазифалардан бири саналади.

Давлат солиқ органлари томонидан тадбиркорларнинг муаммоларини ўрганиш, фаолиятлари билан яқиндан танишиш мақсадида мунтазам тарзда бевосита мулоқотлар ташкил этилиб, солиқ қонунчилигига оид янгилик ва ўзгаришлар тўғрисида батафсил тушунтиришлар бериб борилмоқда. Жумладан, жорий йилнинг ўтган 10 ойи давомида “Солиқчи-кўмакчи” тамойили асосида тадбиркорлар иштирокида 6 маротаба семинар ва учрашувлар ташкил этилиб, соҳалар кесимида 2 та давра суҳбатлари ўтказилди. Шунингдек тадбиркорлик субъектларининг иш жараёнида юзага келаётган муаммоларини ҳал этиш мақсадида туман Давлат солиқ инспекцияси томонидан ташкил этилган “Солиқчи-кўмакчи” телеграм каналига йўлланган мурожаатларга кўра жами 86 тадбиркорларнинг муаммолари ҳал этилди. 

Бундан ташқари йил бошидан бугунги кунга қадар туманимизда фаолият юритаётган тадбиркорларнинг ҳузурига борган ҳолда 2163 та муаммолари ўрганилиб, ушбу муаммоларнинг 1930 таси солиқ органлари ходимлари кўмагида ҳал этилди ва 226 та масала юзасидан тушунтиришлар берилди. Жумладан 1219 нафар тадбиркорларга дастлабки бухгалтериясини юритишда кўмаклашилди. Молиявий қийинчиликларга дуч келган 2 нафар тадбиркорларга умумий ҳисобда 112,0 миллион сўмлик солиқ қарзини тўлаш муддатини узайтиришга рухсат берилди.

Тадбиркорлар билан доимий тарзда олиб борилаётган тушунтириш ишлари натижасида 724 та корхонада меҳнат қилаётган 1419 нафар фуқароларнинг фаолияти қонунийлаштирилди.

Агар соҳалар кесимида кўриб чиқадиган бўлсак, савдо ва умумий овқатланиш корхоналарида 46 нафар, ишлаб чиқариш ва хизмат кўрсатиш корхоналарида 991 нафар, қурилиш корхоналарида 4 нафар ҳамда қишлоқ хўжалиги соҳасида фаолият юритувчи 378 нафар фуқароларнинг фаолияти расмийлаштирилди ва бюджетга 1,7 миллиард сўм қўшимча маблағ йўналтирилади

Бугун, 3 ноябрь куни туман давлат солиқ инспекцияси ҳамда туман газ таъминоти филиалида Шеробод жомеъ масжиди бош имом хатиби Д.Шукуров, туман бош отинойиси Г.Султоновалар иштирокида давра суҳбати ташкил этилди.

Бугун, 3 ноябрь куни Шеробод тумани ҳокимлигида Сурхондарё вилоят хотин-қизлар тадбиркорлик маркази раҳбари Н.Юсупова, Шеробод тумани ҳокими ўринбосари – оила ва хотин-қизларни қўллаб-қувватлаш бўлими бошлиғи А.Боймуродова ҳамда Сурхондарё вилоят хотин-қизлар тадбиркорлик маркази Шеробод туман бўлинмаси раҳбари Д.Давлатовалар иштирокида учрашув ўтказилди. Йиғилишда дастлаб хотин-қизларга бугунги кунда соҳада олиб борилаётган кенг ислоҳотлар ҳамда улар учун яратилаётган имкониятлар хусусида тушунтиришлар берилди.

Ўзбек халқининг асрлардан асрларга ўтиб келаётган миллий қадриятлари узоқ тарихий жараёнда шаклланган. Эндиликда уни янада сайқаллаб келгуси авлодларга ҳам тўла-тўкис етказиб бериш сиз-у бизнинг бурчимиз демакдир. Чўйинчи маҳалласининг Тўғиз қишлоғида истиқомат қиладиган хотин-қизлар ушбу мақсадни ҳамжиҳатликда рўёбга чиқаришмоқда десак адашмаймиз. Куни кеча мазкур маҳалла хотин-қизлар фаоли С.Жўраева томонидан “Маҳалла – қадриятлар бешиги” шиори остида ташкил этилган маънавий-маърифий тадбирни кўриб бунга яққол гувоҳ бўлдик.

Куни кеча Шеробод туман ИИБ ЖХХ пробация гурухи ҳисобида турувчи назорат остидаги шахслар яшаш хонадонида тунги хизмат давомида вилоят Жамоат хавфсизлиги хизмати Пробация бўлими бошлиғи, подполковник Р.Рўзиев, вилоят ИИБ одам савдосига қарши курашиш бўлими бошлиғи подполковник Б. Рахмонқулов, туман ИИБ бошлиғи Ў.Шукуров ҳамда бошқа масъуллар иштирокида ушбу назорат остидаги шахсларнинг келгусида қайта жиноят содир этмаслиги бўйича профилактик суҳбат ўтказилди.