Умумий ўрта таълим муассасаларида “8-декабрь - Ўзбекистон Республикаси Конституцияси қабул қилинган кун” умумхалқ байрамини юқори савияда нишонлаш, Ўзбекистон Республикаси Конституциясининг мазмун-моҳиятини ўқувчилар онгига сингдириш, уларнинг ҳуқуқий онг ва ҳуқуқий маданиятини янада ошириш, улар ўртасида соғлом рақобатни шакллантириш, ўқувчилар эришаётган натижаларни тарғиб қилиш ва қўллаб-қувватлаш, қонунларга итоат руҳида тарбиялаш ҳамда Ўзбекистон Республикаси Халқ таълими вазирлигининг 2022 йил 1 апрелдаги “Халқ таълими тизимидаги умумтаълим мактаблари ўқувчилари ўртасидаги туркум маънавий-маърифий кўрик-танловлар ташкил этиш тўғрисида”ги 107-сонли буйруғининг ижросини таъминлаш мақсадида умумий ўрта таълим мактаблари ўқувчи (5-11 синф)лари ўртасида “Конституция -эркинлигимиз кафолати” мавзусида ижодий ишлар танлови 5-8 синф ўқувчилари ўртасида ижодий баён, 9-11 синф ўқувчилари ўртасида иншолар тарзида ўтказилди.

Бугун, 8 ноябрь куни Шеробод туманидаги 56-ИДУМда туман Адлия бўлими Инсон ҳуқуқларини ҳимоя қилиш ва ҳуқуқни қўллаш амалиётини ўрганиш бўлинмаси бош маслаҳатчиси Р.Бердиев, туман маънавият ва маърифат бўлинмаси раҳбари У.Норов, туман ҳокимлиги ташкилий кадрлар гуруҳи мутахассиси Ж.Ҳимматов ҳамда туман ХТБ бошлиғи ўринбосари Р.Райимовлар иштирокида Ўзбекистон Республикаси Президенти Администрацияси Раҳбарининг "Давлат органлари ва ташкилотлари раҳбарларининг масъулияти ва жавобгарлигини кучайтириш ҳамда ижро интизомини мустаҳкамлаш бўйича қўшимча чора- тадбирлари тўғрисида" 2022 йил 28 сентябрдаги ПА 2/1-3042-сонли йиғилиш баёни ва шу хусусда Ўзбекистон Республикаси Бош вазирининг 2022 йил 12 октябрдаги 12/1-2602-сонли кўрсатмасининг ижроси тўғрисида ҳамда Вазирлар Маҳкамасининг "Давлат фуқаролик хизматчилари томонидан одоб-ахлоқ қоидаларига риоя этилишини таъминлаш бўйича қўшимча чора-тадбирлар тўғрисида" 2022 йил 14 октябрдаги 595-сонли қарорининг мазмун-моҳияти юзасидан ҳуқуқий тарғибот семинари бўлиб ўтди.

Бугун, 8 ноябрь куни туманнинг “Чўйинчи” маҳалласидаги спорт мажмуасида туман ҳокимлиги ва Давлат хавфсизлик хизмати шунингдек тумандаги барча корхона ва ташкилотлар ҳамда муассаса ходимлари иштирокида спортнинг мини-футбол тури бўйича ўртоқлик учрашувлари ташкил этилди.

.

Айни кунларда Шеробод туманидаги маҳаллаларда бирдамлик билан ободонлаштириш ишлари олиб борилмоқда. Хусусан, “Яшил макон” дастурининг ижросига ҳам алоҳида эътибор қаратилиб, жойларда мевали ва манзарали дарахт кўчатлари экилмоқда.