Бугун 25 октябрь куни туманимиздаги спорт мактабида туман ҳокимлиги, туман маънавият ва маърифат бўлинмаси, туман мудофаа ишлари бўлими, Миллий гвардия Шеробод тумани Қўриқлаш бўлими, Ёшлар ишлари агентлиги ҳамда, “Ватанпарвар” ташкилоти туман ўқув спорт техник клуби билан ҳамкорликда ёшларни ватанпарварлик руҳида тарбиялаш мақсадида спортнинг армрестлинг, пневматик қуролдан ўқ отиш, арқон тортиш ва тош кўтариш турларидан мусобақалар ташкил этилди. Унда ўқувчи ёшлар фаол қатнашишди.

Бугун, 25 октябрь куни Шеробод туманида Ўзбекистон Республикаси Ички ишлар органлари ташкил этилганлигининг 31 йиллиги ва “25 октябрь – Ички ишлар идоралари ходимлари куни” муносабати билан туман маданият марказида байрам тадбири ташкил этилди.

Бугун, 25 октябрь куни туманимиздаги 8-сонли болалар мусиқа ва санъат мактабида вилоят мактабгача таълим бошқармаси бўлим бошлиғи Б.Донаев, мутахассиси И,Шайманова, туман мактабгача таълим бўлими маъсул ходими О.Ҳусанов, туман СЭО ва ЖС санитария бўлими мудири Қ.Баратов, туман тиббиёт бирлашмаси болалар врачи С.Ниязовалар иштирокида Шеробод туман МТБга қарашли барча ДМТТларининг ҳамширалари ва шунингдек, Бойсун, Бандихон, Қизириқ, Музработ туманлари ДМТТларининг ҳамширалари учун овқатдан заҳарланиш ва унинг профилактикаси хамда ДМТТ хамшираларининг вазифалари мавзусида семинар ташкил этилди.

Шеробод туман адлия бўлими ҳамда туман Юридик хизмат кўрсатиш бўлими масъул ходимлари томонидан тумандаги 56-сонли умумтаълим мактаби биносида тумандаги умумтаълим мактаблари директорлари иштирокида “Е-ҳуқуқшунос” электрон тизими орқали буйруқ ва меҳнат шартномаларига туман юридик хизмат кўрсатиш марказидан хулосалар олиш ва Ўзбекистон Республикаси Меҳнат кодекси ва бошқа норматив-ҳуқуқий ҳужжатларнинг мазмун-моҳиятини тушунтириш юзасидан давра суҳбати ўтказилди.

Бугун, 24 октябрь куни жиноят ишлари бўйича Шеробод туман суди томонидан вилоят ИИБ Жамоат хавфсизлиги хизмати Пробация бўлими бошлиғи, подполковник Р.Рўзиев, туман ИИБ бошлиғи Ў.Шукуров, суд раиси О.Тоғаев, Шеробод туман ИИБ бошлиғи ўринбосари С.Салимовлар иштирокида туман маданият марказида сайёр суд мажлиси ҳамда очиқ мулоқот ўтказилди.