Шеробод туманида “Яшил макон” умуммиллий дастури асосидаги “Долзарб қирқ кунлик” доирасида қатор амалий ишлар олиб борилмоқда. Хусусан, куни кеча Шеробод туман Фермер деҳқон хўжаликлари ва томорқа ер эгалари кенгаши вакиллари томонидан туманнинг 2-сектори ҳудудидаги Н.Муродов массивида жойлашган Бобоқулов Раим Бобоқулович фермер хўжалигига қарашли дала атрофига мевали ва манзарали дарахт кўчатлари экилди.

Бугун, 5 ноябрь куни туманимиздаги Ёшлар марказида “Беш ташаббус олимпиадаси”нинг иккинчи мавсуми доирасида “Заковат” интеллектуал ўйинларининг туман босқичи ўтказилди. Унда секторлардан сараланган энг зукко ёшлардан таркиб топган жамоалар иштирок этишди. Қизғин ва баҳс-мунозараларга бой тарзда ўтган ўйин якунида ғолиб ва совриндорлар муносиб тақдирланди.

Бугун, 5 ноябрь куни Шеробод туман халқ таълими бўлими тасарруфидаги 56-сонли умумтаълим мактабида Сурхондарё вилояти Шеробод туманида 2022 йилнинг 9 ойи давомида "Вояга етмаган ўқувчилар томонидан содир этилган жиноятлар сабаблари ва унинг содир этилишига имконият яратиб бераётган шарт-шароитларни бартараф этиш тўғрисида" туман ҳокими ўринбосари М.Чориев, 3-сектор раҳбари, туман ИИБ бошлиғи, подполковник Ў.Шукуров, туман прокурори ўринбосари А.Чориев, вилоят халқ таълими бошқармаси бошлиқ ўринбосари З.Ўтаев, бўлим мудири А.Ҳакимов, тумандаги барча умумтаълим мактабларининг директорлари 2022 йил 9 ойи давомида таълим муассасасида жиноят содир этган мактаб директорлари, ММИБД ўринбосари, амалиётчи психолог, синф раҳбарлари иштирокида кенгайтирилган йиғилиш муҳокамаси бўлиб ўтди.

ХТВ томонидан 5 та муҳим ташаббус доирасида 2022-йил апрель, май-июнь ойларида “5 ташаббус санъат билан” шиори остида “Ёшлар театр студиялари” ҳамда “5 ташаббус китоб билан” шиори остида “Китобхон мактаб” фестиваль-танловлари эълон қилинган эди. Ушбу танловда туманимиздаги 56-ИДУМ нинг “Ёшлар театр студиялари” аъзолари ҳамда “Китобхон ўқувчилар” жамоаси томонидан ХТВ томонидан белгилаб берилган низом доирасида видеоролик тайёрланиб, танловга тақдим этилган эди ва танлов натижаларига кўра "Ёшлар театр студиялари" аъзолари "5 ташаббус санъат билан" шиори остида ўтказилган Республика танловида фахрли 1-ўринни, "5 ташаббус китоб билан" шиори остида ўтказилган танловда фахрли 2-ўринни қўлга киритди.

Бугун, 5 ноябрь куни Шеробод тумани ҳокимлиги, Ўзбекистон Республикаси Ҳунармандлар уюшмаси, Ёшлар ишлари агентлиги ҳамкорлигида Шеробод туман прокурори ташаббуси билан “Ёш ҳунармандлар” фестивали ўтказилди. Тадбирда туманимизнинг кўплаб ёш ҳунармандлари ўз ижод намуналари билан қатнашишди.