Куни кеча 4-сектор раҳбари Ш.Жумаев бошчилигида мазкур сектор ҳудудида жойлашган “Хўжақия-2” маҳалласида сайёр қабул ўтказилди. Қабул давомида фуқаролардан турли соҳаларда мурожаатлар келиб тушди. Мазкур мурожаатларнинг 10 тасига ижобий ечим топилди, вақт ва маблағ талаб этадиган мурожаатлар юзасидан масъулларга тегишли топшириқлар юклатилди.

Вилоят ҳокимлигининг 2022 йил 30 декабрдаги “Ёшлар туризм ҳафталиги” доирасида “Янги йилда Янги Ўзбекистон бўйлаб саёҳат” тадбири ташкил этилмоқда. Мазкур тадбир доирасида бугун Шеробод туман халқ таълими бўлими масъуллари томонидан тумандаги бир қатор умумтаълим мактаби ўқувчилари Термиз шаҳридаги қатор манзилларга саёҳатга олиб борилди.

Бугун, 6 январь куни Шеробод туманининг "Узунсой" маҳалласида жойлашган умумтаълим мактабида туман ҳокимлиги, туман маънавият ва маърифат бўлинмаси, Ёшлар ишлари агентлиги туман бўлими, туман маданият бўлими билан ҳамкорликда “Миллий қадриятларини эъзозлаган юрт”, “Инсонга эътибор – келажакка эътибор” мавзуларида маънавий-маърифий тадбирлар ўтказилди.

Шеробод тумани Ойинли маҳалласида содир этилган қотиллик жинояти кенг жамоатчилик вакиллари иштирокида муҳокама қилинди. Ўтказилган муҳокамада Вилоят ИИБ бошлиғи ўринбосари И.Турсунов, туман хокими ўринбосари М.Чориев, туман ИИБ бошлиғи Ў.Шукуров, туман Давлат солиқ инспекцияси бошлиғи Ш.Жумаев, туман прокурори ўринбосари А.Чариевлар иштирок этишди.

Об-ҳавонинг кескин ўзгариши туфайли коммунал соҳаларда юзага келиши мумкин бўлган муаммоларни ўз вақтида бартараф этиш мақсадида Шеробод тумани ҳокимлигида ташкил этилган навбатчилик штабига келиб тушган мурожаатлар тезкорлик билан ҳал этиб борилмоқда. Хусусан, туманнинг 4-сектори ҳудуди Чорбоғ маҳалласи Оқтош қишлоғидаги 590 кВ трансформаторга қўшимча 250 кВ ўрнатиб берилди.