Шеробод туман прокурори Б.Юнусов, туман иқтисодий жиноятларга қарши курашиш департаменти бошлиғи Ў.Жабборов ва туман Давлат солиқ инспекцияси ходимлари билан биргаликда тумандаги Деҳқон (озиқ-овқат) бозоридаги асосий озиқ-овқат, ун, мой ва қолипли нон маҳсулотлари нархлари билан танишди.

Куни кеча туманимиздаги тўйхоналардан бирида спиртли ичимлик истеъмол қилган бир-нечта фуқаролар, асосан, ёшлар иштирокида тартибсизлик келиб чиққан. Жамоат тартибига зид ҳуқуқбузарлик содир этганлиги учун мазкур фуқароларнинг ҳатти-ҳаракатлари туман ИИБ ходимлари томонидан вақтида бартараф этилганлиги боис оғир ва ўта оғир турдаги жиноятларнинг олди олинди ҳамда ҳуқуқбузарларга нисбатан Жиноий ишлар бўйича Шеробод туман суди томонидан 15 сутка маъмурий қамоқ жазоси тайинланди ва ҳуқуқбузарларга нисбатан тегишли тартибда чора қўлланилган.

Фуқароларнинг осойишталиги ва хавфсизлигини таъминлаш ҳамда жамоат тартибини сақлашда ички ишлар органларига кўмаклашаётган ёшлар ўртасида ўтказилаётган “Фидокор ёшлар” жамоатчилик патрул гуруҳи аъзоси кўрик-танловининг бугун, 2 июнь куни Шеробод тумани босқичи бўлиб ўтди. Туман ИИБ ҳамда Ёшлар ишлари агентлиги туман бўлими билан ҳамкорликда ташкил этилган мазкур танловда туманимиздаги маҳаллаларнинг “Қалқон” жамоалари сардорлари иштирок этишди.

Айни вақтда туманимиздаги Хотира майдонида “Халқаро болаларни ҳимоя қилиш куни” муносабати билан аҳоли вакиллари байрамни юқори кайфиятда нишонлашмоқда.

1-июнь "Халқаро болаларни ҳимоя қилиш куни" муносабати билан болаларнинг иқтидор ва истеъдодларини қўллаб-қувватлаш ва рағбатлантириш мақсадида Ўзбекистон Ёшлар иттифоқи туман Кенгаши томонидан "Бахтли болалик" лойиҳаси доирасида туманимиздаги истироҳат боғида билимдон болалар акцияси ташкил этилди.