Мактабда 9 февраль – буюк бобокалонимиз Алишер Навоийнинг таваллуд айёми муносабати билан уюштирилган байрам тадбири ҳам юқори савияда ўтди. 7-8-9-10-синф ўқувчилари иштирокида ўтказилган бадиий кечада Навоийнинг ҳаёти ва ижоди борасида сўз юритилди, ўқувчилар бобомизнинг энг сара ғазалларидан намуналар келтиришди.

“Фарҳод ва Ширин” достонидан олинган саҳна кўринишлари намойиш этилди. Гўзал рақслар ижро этилди.

Бир сўз билан айтганда, тадбир йиғилганларнинг барчасида илиқ таассурот қолдирди.