Бугун, 6 апрель куни туман Маҳалла ва нуронийларни қўллаб-қувватлаш бўлими биносида Халқ депутатлари Сурхондарё вилояти Кенгашининг 24-мартдаги қарори билан тасдиқланган фуқаролар йиғини раиси (оқсоқоли) сайловини ташкил этиш ва ўтказиш бўйича чора-тадбирлар режасининг 3-бандига асосан, Ўзбекистон Республикасининг “Фуқаролар йиғини раиси (оқсоқоли) сайлови тўғрисида”ги Қонуни мазмун-моҳиятини жойларда тушунтириш юзасидан тарғибот режаси асосида фуқаролар йиғинлари раислари (оқсоқоллари) сайловини ташкил этиш ва ўтказишга кўмаклашиш Шеробод тумани комиссияси томонидан ўқув-семинари ташкил этилди.

Жорий йилнинг 4-9 апрель кунлари туман ҳудудидаги барча умумтаълим мактаби ўқувчилари ўртасида “Хорижий тиллар билимдони-2022” танловининг ҳудудий босқичи ўтказилди. Унда 3-сектор раҳбари, туман Ички ишлар бўлими бошлиғи Ў.Шукуров ҳам иштирок этиб, сектор ҳудудидаги ғолиб бўлган умумтаълим мактаби ҳамда ўқувчиларини диплом ва эсдалик совғалари билан тақдирлади.

Бугун, 6 апрель куни туман ҳокимлигида қишлоқ хўжалиги вазирлиги “Ишчи гуруҳи”томонидан Сувни тежайдиган технологияларни жорий этишга сарфланадиган харажатларнинг бир қисмини қоплаш учун субсидия ажратишга кўмаклашувчи вилоят ва туман ишчи гуруҳи аъзоларини “Agro-subsidiya” ягона ахборот тизими Дастуридаги машғулотлар ва Австриянинг “Bauer” компанияси ёмғирлатиб суғориш ускуналарини етказиб бериш ва уни тўлиқ ўрнатиш бўйича семинар бўлиб ўтди.

Шеробод тумани ҳокимлиги молия бўлими мудири лавозимига Абсаев Ойбек Турсунпўлатович тайинланди. 2021 йилдан ҳозирга қадар Музработ тумани ҳокимлиги молия бўлими мудири лавозимида ишлаб келган.

Муҳриддин Қулмаматович Нормуродов Ўзбекистон Республикаси Ёшлар ишлари агентлиги Сурхондарё вилояти бошқармаси бошлиғининг тегишли буйруғи билан мазкур агентликнинг Шеробод тумани бўлими бошлиғи этиб тайинланди.