Sayyor qabulda nuroniylar, mahalla raislari, shuningdek, pensiya, bolalar puli hamda moddiy yordam bo‘yicha muammolari bo‘lgan shaxslar qatnashishdi. Dastlab mas’ullar tizimdagi yangiliklar hamda nafaqa, bolalar puli va moddiy yordam pullarining ajratilishi yuzasidan qisqacha to‘xtalib o‘tishdi. Shundan so‘ng fuqarolarning muammo va takliflari tinglandi. Qabulda ishtirokchilarning savollariga tegishli huquqiy javoblar berildi.